BY 1 верасня 2021 года на філалагічным факультэце БДУ прайшоў “гасцявы ўрок” для вучняў 8 «Б» класа ДУА “Гімназія № 22 г. Мінска”.
Урок правялі дэкан Сяргей Важнік з намеснікамі дэкана Мікалаем Хмяльніцкім і Вольгай Крычко. Занятак быў арганізаваны па ініцыятыве дырэктара гімназіі Мікалая Кісяля і настаўніка беларускай мовы і літаратуры Вольгі Сяліцкай, выпускніцы філалагічнага факультэта БДУ. Па заканчэнні сустрэчы Вольга Уладзіміраўна павіншавала універсітэт і факультэт з надыходзячым юбілеем.
Дацэнт кафедры гісторыі беларускай літаратуры Ларыса Гедзімін правяла са школьнікамі інтэрактыўны занятак, падчас якога вучні даведаліся цікавыя факты аб славянскіх мовах, якія вывучаюцца на філалагічным факультэце.
Сустрэча прайшла ў сценах аўдыторыі «Народныя паэты і пісьменнікі Беларусі» і выклікала зацікаўленасць васьмікласнікаў у засваенні філалагічных дысцыплін на базе «Школы юнага філолага».
