BY 
У сакавіку 2023 г. на філалагічным факультэце БДУ пачынае работу Школа юнага пісьменніка! Чакаем вучняў 9–11 класаў устаноў агульнай сярэдняй адукацыі Рэспублікі Беларусь.
Узлёт да вышынь натхнення і філалагічнай навукі пачынаецца тут: 8 з 18 Народных пісьменнікаў краіны вучыліся або выкладалі ў нас.
У Школе юнага пісьменніка маладыя таленты пазнаёмяцца са знакамітымі творцамі, набудуць вопыт ацэньвання мастацкіх тэкстаў, змогуць друкавацца ў часопісах, альманахах, штотыднёвіках Рэспублікі Беларусь, у выданнях БДУ, знойдуць новых сяброў.
Кожны, хто паспяхова пройдзе навучанне ў Школе юнага пісьменніка, атрымае пасведчанне.
Заняткі будуць праводзіцца вочна (Мінск, вул. Карла Маркса, 31, кафедра гісторыі беларускай літаратуры) і дыстанцыйна. Навучанне бясплатнае. Звесткі пра заняткі – у адпаведных анонсах на сайце філалагічнага факультэта БДУ. Сардэчна запрашаем!
Больш падрабязная інфармацыя і рэгістрацыя – па спасылцы.
