«Фальклор – душа народа»

20 верасня 2022 года на філалагічным факультэце БДУ было праведзена мерапрыемства «Фальклор – душа народа», прысвечанае Тыдню роднай мовы. Яго ўдзельнікамі сталі студэнты другога курса спецыяльнасці «Славянская (чэшская) філалогія». Праводзіла мерапрыемства кафедра тэарэтычнага і славянскага літаратуразнаўства (загадчык ­ к.ф.н., дацэнт Т. А. Марозава).

Акадэмічная група была падзелена  на тры навукова-даследчыя падгрупы, кожная з якой павінна была прэзентаваць мастацкі свет фальклорнай казкі па схеме:

Станцыя 1: прыродныя ўмовы краіны (атмасфера, клімат, ландшафт; мясціны, прыдатныя для жыцця; камфортнасць і г. д.);

Станцыя 2: сацыяльныя адносіны, матэрыяльныя характарыстыкі “жыхароў”  (узровень развіцця цывілізацыі; грамадства, яго структура і законы; характар улады; традыцыйныя заняткі мужчын і жанчын і г. д.);

Станцыя 3: духоўнае жыццё насельнікаў “краіны”: сістэма каштоўнасцей (напрыклад, сіла, розум, мудрасць, веды, сяброўства, каханне і г. д.); рэлігія, культы, магія, святы. Абрады, звычаі, традыцыі; вучоба, настаўнікі, вучні, пісьменства, кнігі

Станцыя 4: крэда жыхароў “краіны” (напрыклад, “Усе супраць усіх”, “Я за сваіх”, “Разам супраць чужых” і г. д.).

На заканчэнне была прыдумана  невялічкая віртуальная казка. Цікава, што студэнты інтуітыўна адзначылі  дапушчаныя парушэнні жанравага канону.

Сапраўды, казка, як і фальклор увогуле, – душа народа!