BY 
26 верасня 2022 года на філалагічным факультэце БДУ адбылася прэзентацыя кніг – чатырох унікальных выданняў па фалькларыстыцы, якія выйшлі ў свет летам 2022 года, аўтарамі якіх з’яўляюцца выкладчыкі Пскоўскага дзяржаўнага ўніверсітэта: «Великая Отечественная война в зеркале народной речи и фольклора. Тексты. Исследования. Аудиоприложение», «Мир детства в традиционной культуре и народной речи. Библиографический указатель», «Мифологические рассказы псковско-белорусского пограничья» (у 2 частках; частка 1 (2021), частка 2 (2022).
Кнігі былі перададзены ў падарунак філалагічнаму факультэту БДУ праз студэнтку 3 курса спецыяльнасці «Рамана-германская (італьянская) філалогія» Кацярыну Лебедзеву, якая прымала ўдзел у праекце «Летні ўніверсітэт», арганізаваным на базе Пскоўскага дзяржаўнага ўніверсітэта з 10 па 14 ліпеня 2022 года. Кацярына распавяла аб самім праекце і запрасіла студэнтаў прыняць удзел у конкурсным адборы наступнага года, растлумачыўшы, што гэта вельмі пазнавальная і цікавая праграма.
На прэзентацыі прысутнічалі намеснік дэкана па навуцы дацэнт Таццяна Мальцэвіч, загадчык кафедры тэарэтычнага і славянскага літаратуразнаўства дацэнт Таццяна Марозава, загадчык залы інфармацыйных рэсурсаў аддзела абслугоўвання філалагічнага і эканамічнага факультэтаў БДУ Жанна Карповіч, студэнты 1 курса спецыяльнасці «Руская філалогія».
Таццяна Мальцэвіч адкрыла прэзентацыю і распавяла пра ўзаемасувязі нашага факультэта з Пскоўскім дзяржаўным універсітэтам. Кнігі былі перададзены загадчыку залы інфармацыйных рэсурсаў аддзела абслугоўвання філалагічнага і эканамічнага факультэтаў БДУ Жанне Карповіч, якая падзякавала за такі каштоўны падарунак і запрасіла студэнтаў пазнаёміцца з новымі выданням.
