BY 
З 31 кастрычніка па 4 лістапада на філалагічным факультэце адбыўся штогадовы праект «Студэнт БДУ на тыдзень».
У праграме запланаваных мерапрыемстваў для вучняў 10 і 11 класаў быў праведзены прафарыентацыйны квэст «PhilCase» з элементамі лінгвістычнай гульні «Мова. Славеснасць. Культура», якая рэалізуецца ў рамках Лепшага маладзёжнага праекта БДУ.
Таксама вучням была дадзена магчымасць сустрэцца з дэканам Сяргеем Важнікам, намеснікам дэкана Вольгай Крычко, старшынёй Студэнцкага Савета факультэта Юліяй Гурыновіч і студэнцкім актывам на «DialogPlatform».
Усе жадаючыя змаглі прыняць удзел у круглым стале, на якім прысутнічалі рэктар універсітэта Андрэй Кароль, прарэктар па выхаваўчай рабоце і сацыяльных пытаннях Ганна Бакун, начальнік упраўлення па выхаваўчай рабоце з моладдзю Кацярына Зуева і першы намеснік адказнага сакратара прыёмнай камісіі Вячаслаў Малафееў. На ўсе пытанні ўдзельнікі атрымалі адказы.
Пасля заканчэння праекта ўдзельнікі былі ўзнагароджаны дыпломамі і памятнымі прызамі.
