Першае пасяджэнне дыскусійнага клуба “Палілог”

26 кастрычніка адбылося першае пасяджэнне дыскусійнага клуба “Палілог” кафедры беларускага мовазнаўства. Госцем філолагаў стаў загадчык кафедры міжнароднай палітычнай эканоміі БДУ доктар эканамічных навук прафесар Пётр Сяргеевіч Лямешчанка, які правёў лекцыю-прэзентацыю на тэму “Сучасная эканоміка ў чалавечым вымярэнні”. Прысутныя змаглі дэталёва пазнаёміцца з базавымі паняццямі эканамічнай навукі, глабальнымі і ўнутрыбеларускімі праблемамі эканамічнага жыцця, месцам і роляй эканомікі ў паўсядзённай практыцы і інш.

Мадэратарам сустрэчы выступіў загадчык кафедры беларускага мовазнаўства прафесар Мікалай Прыгодзіч.