BY 
4 красавіка 2024 г. студэнты філалагічнага факультэта спецыяльнасці «рамана-германская (французская) філалогія» пад кіраўніцтвам дацэнта кафедры раманскага мовазнаўства Вольгі Уладзіміраўны Лапуновай прынялі ўдзел у заключным этапе Міжвузаўскай студэнцкай алімпіяды па дзелавой і эканамічнай французскай мове. Мерапрыемства прайшло ў рамках універсітэцкай дэкады студэнцкай навукі "Моладзь у навуцы і бізнесе-2024".
У спаборніцтве прынялі ўдзел студэнты вышэйшых навучальных устаноў Рэспублікі Беларусь (Беларускі дзяржаўны ўніверсітэт, Беларускі дзяржаўны эканамічны ўніверсітэт, Беларускі дзяржаўны тэхнічны ўніверсітэт), а таксама студэнты з Расійскай Федэрацыі (Нацыянальны даследчы ўніверсітэт «Вышэйшая школа эканомікі», Ульянаўскі дзяржаўны педагагічны ўніверсітэт імя І. М. Ульянава).
Заданні Алімпіяды прадугледжвалі праверку навыкаў і ўменняў чытання, маўлення, аўдзіравання, пісьма ў фармаце міжнароднага экзамену па французскай мове DALF у адпаведнасці з узроўнямі валодання французскай мовай С1-С2.
У першым завочным туры Алімпіяды прынялі ўдзел 48 студэнтаў БДЭУ, 32 студэнты БДТУ, 45 студэнтаў БДУ. Да ўдзелу ў другім туры былі запрошаны 28 студэнтаў, якія паспяхова выканалі заданні першага тура.
Па выніках выпрабаванняў студэнтка 1 курса Шпакоўская Беатрыса ўзнагароджана дыпломам I ступені. Другое месца заняла студэнтка 3 курса Данясевіч Паліна. Дыпломам III ступені была адзначана студэнтка 1 курса Грынюк Арына. Спецыяльнай граматай узнагароджана студэнтка 3 курса Ермаловіч Вікторыя.
Дыпломы студэнтам уручылі дэкан факультэта міжнародных бізнес-камунікацый БДЭУ Юлія Аляксандраўна Шаўрук і загадчыца кафедры нямецкай і раманскіх моў Марына Анатольеўна Камарова.
Віншуем!
