Сэрвісы

Замежныя студэнты філалагічнага факультэта прынялі ўдзел у фестывалі «Omnes linguas – 2024» у Юрыдычным каледжы БДУ

Замежныя студэнты філалагічнага факультэта прынялі ўдзел у фестывалі «Omnes linguas – 2024» у Юрыдычным каледжы БДУ

17 красавіка 2024 г. замежныя студэнты 2 і 4 курса філалагічнага факультэта спецыяльнасці «Руская філалогія» (па накірунках) у рамках прафарыентацыйнай працы, міжкультурных сувязей, а таксама ў рамках узаемасувязяў паміж рознымі ступенямі адукацыі ў Рэспубліцы Беларусь прынялі ўдзел у штогадовым вясновым фестывалі «Omnes linguae – 2024», які праводзіцца ў Юрыдычным каледжы БДУ.

Замежныя студэнты выступілі з цікавымі творчымі нумарамі.

У Ян, студэнт з Кітая, прадставіў песню-баладу «Зебра» вядомага кітайскага выканаўцы Сон Дон'е. Студэнтка з Туркменістана Гурбанава Айшат з натхненнем прачытала верш «Мне не адысці ад тваіх вачэй» вядомага туркменскага паэта Гурбаназара Эзізава. Сунь Цзінцзе - студэнтка 4-га курса пранікнёна праспявала песню Дэн Цзыцы, вядомай ганконгскай спявачкі і аўтара песень. Песня называлася «Да сустрэчы». І, вядома ж, найбольшае ўражанне зрабіла выкананне ўсімі любімай песні «Мой родны кут…». Праспяваў яе Се Цзінь – студэнт 2-га курса.

Замежных студэнтаў філалагічнага факультэта ўзнагародзілі сертыфікатамі ўдзельніка фестывалю, а Се Цзінь атрымаў дыплом «Лепшы голас», таксама замежныя студэнты былі ўзнагароджаны «салодкімі» прызамі.

Самы актыўны ўдзел у падрыхтоўцы студэнтаў да мерапрыемства прынялі выкладчыкі кафедры прыкладной лінгвістыкі філалагічнага факультэта БДУ Дзямешка В.А. і Дубень М.В.

Старшы выкладчык Дзямешка В.А. таксама выступіла ў якасці члена журы на фестывалі «Omnes linguas – 2024».

1713384792058.jpg

1713384772289.jpg

1713384759669.jpg

1713384732388.jpg

1713384747016.jpg

1713384740446.jpg

Image

Рэсурсы

Image
Image
Наш сайт использует файлы cookie

Наш сайт использует файлы cookie для сбора статистики. Нажав «Принять», вы даете согласие на обработку файлов cookie в соответствии с Политикой обработки файлов cookie.