Эфектыўнае міжасобаснае ўзаемадзеянне студэнтаў - залог дабрабыту і гармоніі з навакольным светам.

21.03.2025 старшыя выкладчыкі Дрозд Л.М., Лаўрэнцьеў С.Г. і дацэнт Талставухава В.Ф. кафедры германскага мовазнаўства ў рамках цыкла семінараў з элементамі трэнінгу "Эфектыўнасць міжасобаснага ўзаемадзеяння - залог асабістага росту і поспеху" правялі для замежных студэнтаў II курса спецыяльнасці "Рамана-германская філалогія" чарговы семінар "Эфектыўныя міжасобасныя ўзаемаадносіны студэнтаў". Семінар праводзіўся з мэтай удасканалення камунікатыўнай культуры, выхавання цярпімасці да чужога меркавання, развіцця ўмення весці дыялог, шукаць і знаходзіць змястоўны кампраміс. Такія мерапрыемствы садзейнічаюць умацаванню псіхалагічнага здароўя студэнтаў, развіццю навыкаў каманднай работы ў студэнцкім асяроддзі.

Запрошаным спікерам выступіў Дземянчук Алег Юр'евіч, педагог-псіхолаг БДУ, які курыруе філалагічны факультэт.

Сустрэча прайшла ў прыязнай і канструктыўнай атмасферы і выклікала вялікую цікавасць у студэнтаў.