BY 
2 красавіка 2025 года ў рамках святкавання Дня яднання народаў Беларусі і Расіі студэнты трэцяга курса філалагічнага факультэта прынялі ўдзел у круглым стале, прысвечаным пытанням культурнага ўзаемадзеяння і гістарычнага яднання дзвюх краін. Мерапрыемства было арганізавана дацэнтам кафедры рыторыкі і методыкі выкладання мовы і літаратуры Дылеўскай Валянцінай Юльянаўнай у рамках семінара «Узаемасувязі рускай і беларускай літаратур у кантэксце маральнага і камунікатыўнага выхавання навучэнцаў» і стала ўнікальнай пляцоўкай для абмену меркаваннямі, дыскусій і вывучэння найважнейшых аспектаў агульнай спадчыны.
Удзельнікі абмеркавалі ролю мовы і літаратуры ў фарміраванні культурнай самабытнасці, а таксама ўплыў гістарычнага кантэксту і культурнага ўзаемадзеяння Беларусі і Расіі на развіццё літаратурнай традыцыі. Падчас круглага стала студэнты пазнаёміліся з прэзентацыяй аб двухбаковым супрацоўніцтве краін і прадставілі сваё бачанне перспектыў развіцця супрацоўніцтва ў гуманітарнай сферы.
Мерапрыемства прайшло ў цёплай атмасферы, садзейнічала ўмацаванню сяброўскіх адносін і фарміраванню новага пакалення, якое шануе і падтрымлівае адзінства і партнёрства дзвюх краін.
