BY 
28.05.25 у рамках акадэмічнага супрацоўніцтва адбылася сумесная папярэдняя абарона дыпломных праектаў студэнтаў філалагічнага факультэта БДУ спецыяльнасці «нямецкая філалогія» і Інстытута замежных моў і міжнароднага турызму ФДБАУ ВА «Пяцігорскі дзяржаўны ўніверсітэт». Мэтай мерапрыемства стала стымуляванне навукова-даследчай работы студэнтаў.
Студэнты 3 і 4 курса, а таксама выкладчыкі кафедры германскага мовазнаўства мелі магчымасць пазнаёміцца з такой формай дыпломнага даследавання, як стартап. Да абмеркавання прапаноўваліся праекты студэнтаў ПДУ “Тосты ў нямецкамоўных лінгвакультурах: дыскурсіўна-прагматычныя асаблівасці (на матэрыяле сучаснай нямецкай мовы)”, выкананыя З. В. Мамітавай і З. А. Умашавай пад кіраўніцтвам дацэнта Н. М. Кашырынай; «Лінгвадыдактычны патэнцыял лексічных запазычанняў (на матэрыяле французскай і рускай моў): «мультымедыйны гульнявы экспрэс-дапаможнiк французскай мовы для падарожнікаў «DежAVю» студэнтак В. Дз. Сафаравай і В. А. Цыганковай пад кіраўніцтвам дацэнта А. В. Маркаран; а таксама «Лінгвістычныя асаблівасці праявы нацыянальнага менталітэту як фактару міжкультурнай камунікацыі (параўнальна-супастаўляльны аспект народнага эпасу ў нямецкай, англійскай і нацыянальных мовах)» студэнтак А. Р. Хасаевай і А. А. Шхагашавай пад кіраўніцтвам дацэнта А. М. Мельнікавай. Студэнты расійскай ВНУ расказалі не толькі аб лінгвістычным баку сваіх даследаванняў, але і аб сваім канчатковым прадукце: як яго стварыць, разлічыць эканамічную выгаду, прапаноўваць на рынку. Дыпломныя работы такога фармату выклікалі жывую цікавасць як у студэнтаў, так і выкладчыкаў БДУ.
Не менш актыўна вялося абмеркаванне і традыцыйных дыпломных даследаванняў. Праца “Камунікатыўна-прагматычныя практыкі палітычнага дыскурсу (на матэрыяле франка-алжырскага палітычнага дыскурсу)” студэнткі Пчагатлук А. А. (ПДУ) аказалася блізкай да тэматыкі праекта кафедры германскага мовазнаўства. Вынікі сваіх прац, выкананых пад кіраўніцтвам дацэнта С. С. Катоўскай, прадставілі студэнткі 4 курса філалагічнага факультэта Марозава А. Дз. («Гендэрная карэктнасць нямецкамоўнай медыяпрасторы (на матэрыяле навінавых парталаў і You-Tube – каналаў)») і Панцюхова М. А. («Прагматыка інфлектываў у нямецкамоўнай інтэрнэт-камунікацыі»). Тэмы іх даследаванняў зацікавілі расійскіх студэнтаў і калег, якія адзначылі ў іх перспектывы для ўласных навуковых пошукаў.
Абодва бакі анлайн-сустрэчы высока ацанілі падобны фармат працы, бо ён дазваляе навуковаму досведу пераадольваць межы і адлегласці. Удзельнікі тэлемоста аднадушна выказаліся за паўтарэнне і развіццё дадзенай формы супрацоўніцтва.
