BY 
23 мая адбылося ўзнагароджанне пераможцаў IV Міжнароднага конкурсу мастацкага перакладу «Кветкі з чужых палёў», прысвечанага 80-годдзю Перамогі. Старшыня арганізацыйнага камітэту прарэктар па вучэбнай рабоце і адукацыйных інавацыях Алеся Генадзеўна Прахарэнка ўручыла дыпломы і прызы таленавітым маладым перакладчыкам. Студэнты філалагічнага факультэта ўразілі журы перакладамі ў намінацыі “Пераклад англійскай прозы на беларускую мову”: дыплом 1 ступені атрымала Наста Даніленка (англійская філалогія, 4 курс), дыплом 2 ступні – Швец Таццяна (беларуская філалогія, 2 курс), 3 ступені ‒ Чэб Варвара і Чарамных Данііл (англійская філалогія, 3 курс). Наста Даніленка і Данііл Чарамных вылучыліся таксама і ў намінацыі “Пераклад англійскай паэзіі на беларускую мову”, атрымаўшы дыпломы 1 і 3 ступеняў адпаведна.
У працы журы конкурсу прынялі ўдзел загадчык кафедры замежнай літаратуры Г.М. Бутырчык, дацэнт кафедры замежнай літаратуры Н.С. Паваляева і выкладчык А.Ю. Пупіна. Каардынатарам конкурсу выступіла дацэнт кафедры замежнай літаратуры Н.С. Зелязінская.
