Форум патрыятычных сіл да Дня народнага адзінства

17.09.2025 супрацоўнікі кафедры германскага мовазнаўства — загадчык М.С.Гутоўская, выкладчыкі В.В.Скарабагаты, Д.В.Шайбакова — і студэнты 1 курса спецыяльнасці «Ангельская філалогія» — Максім Мігановіч, Алеся Чурак, Анастасія Замковер, Уладзіслаў Самусевіч, Крысціна Альхімовіч — прынялі ўдзел у Форуме патрыятычных сіл, прысвечаным Дню народнага адзінства.

Форум прайшоў у сталічным Палацы спорту і аб'яднаў некалькі тысяч беларусаў. Спікеры форуму — вядомыя палітыкі, грамадскія дзеячы, лідары меркаванняў, сярод якіх Міхаіл Русы, Вольга Чамаданава, Аляксандр Лук'янаў, Алег Гайдукевіч, Сяргей Сыранкоў, Таццяна Якубовіч, Вадзім Гігін, Ігар Тур, Рыгор Азаронак — гаварылі аб культурных, гістарычных і духоўных сувязях нашага народа, аб сіле адзінства і адказнасці за будучыню краіны.

«Наведванне форуму стала для мяне глыбокай і натхняльнай падзеяй. Маштаб удзельнікаў паказаў, наколькі актуальная гэтая дата. Самая важная выснова: народнае адзінства — гэта падмурак развіцця Беларусі, і заснавана яно на агульнай адказнасці, павазе да мінулага і гатоўнасці разам працаваць на будучыню», — падзялілася ўражаннямі першакурсніца Алеся Чурак.