BY 
У сяле Губіна Казельскага раёна Калужскай вобласці, пад духоўным заступніцтвам Увядзенскага стаўрапігіяльнага мужчынскага манастыра Опціна пустынь, адбыўся міжнародны фестываль «Дні Дастаеўскага ў Опцінай пустыні – 2025». Гэта штогадовая падзея, натхнёная вандроўкай Ф.М. Дастаеўскага ў святую мясціну, збірае ўдзельнікаў з усяго свету для лекцый, квэстаў і глыбокіх разважанняў аб спадчыне пісьменніка. У рамках фестывалю прайшоў конкурс эсэ, які стаў адной з ключавых пляцовак для асэнсавання творчасці Дастаеўскага.
25 верасня 2025 года ў сценах філалагічнага факультэта БДУ адбылася ўрачыстая цырымонія ўзнагароджання пераможцы конкурсу эсэ “Дастаеўскі – культурная моц Расіі”. Студэнт 3-га курса Цімафей Антонаў быў удастоены галоўнай узнагароды з рук дэкана Сяргея Аляксандравіча Важніка.
З Опцінай пустыні акрамя Дабраславёнай граматы студэнт атрымаў залатога анёлачка – сімвал Абіцелі, які разам з расійскімі касманаўтамі абляцеў вакол Зямлі; а таксама памятныя сувеніры.
Цімафей зачытаў сваё эсэ, у якім адзначыў: «Дастаеўскі – не проста моц, ён – удар па абыякавасці. Ён немагчымы без болю». І дадаў: «Яго не чытаюць – ім заражаюцца. Гэта духоўная інфекцыя, якая мяняе хімічны склад твайго 'я'». Асаблівую падзяку ён выказаў Уладыку Іосіфу, епіскапу Мажайскаму, настаяцелю манастыра і кіраўніку журы, за высокую ацэнку яго працы, а таксама выкладчыку Таццяне Пятроўне Сідаравай, якая адкрыла яму Дастаеўскага як “жывога пісьменніка, які прапальвае сэрца”, і сваёй маме, якая з дзяцінства прывівала любоў да кніг.
Узнагароджанне стала яшчэ адным напамінам аб значнасці духоўна-асветніцкага праекта ў Опцінай пустыні, які аб'яднаў інтэлектуальны пошук і духоўнае асэнсаванне, і нагадаў аб сіле слова Дастаеўскага, якое працягвае хваляваць сэрцы.
