BY 
16 кастрычніка 2025 года адбылося традыцыйнае мерапрыемства філалагічнага факультэта – «Візіткі першакурснікаў». Тэматыка конкурсных нумароў – тэлеперадачы, галоўным героем якой сталі персанажы літаратурных твораў.
Яскравым элементам адкрыцця конкурснай праграмы стаў танцавальны нумар студэнтаў-куратараў філалагічнага факультэта.
З прывітальным словам да ўсіх прысутных звярнуўся дэкан філалагічнага факультэта Сяргей Важнік. Запрошаным госцем стала педагог-псіхолаг СППС УІВР БДУ Кацярына Смалонская.
На працягу дзвюх гадзін каманды дэманстравалі творчыя нумары, здзіўляючы арыгінальнасцю, нестандартным падыходам да ўвасаблення задумы і харызмай.
Журы заснавала спецыяльныя намінацыі:
Намінацыя «Закуліссе»; «Рамана-германская (французская) філалогія»; «Рамана-германская (нямецкая) філалогія».
Намінацыя «Прыз глядацкіх сімпатый»: «Руская філалогія».
Намінацыя «Лепшы жарт»: «Беларуская філалогія».
Намінацыя «Лепшы сцэнарый»: «Рамана-германская (італьянская) філалогія».
Намінацыя «Лепшы антураж»: «Усходняя (кітайская) філалогія».
Намінацыя «Лепшая мужчынская роля»: Францыск Скарына – Новік Яўген
Намінацыя «Лепшая жаночая роля»: Афрадыта – Вашкевіч Валерыя
Намінацыя «Лепшая відэа-візітоўка»: «Беларуская філалогія», «Рамана-германская (англійская) філалогія».
Намінацыя «Лепшая фота-візітоўка”: «Класічная філалогія»
Дадатковыя намінацыі:
«Лепшае бюджэтнае месца» – «Рамана-германская (нямецкая) філалогія».
«Лепшы псіхалагічны аналіз» (Мэры Попінс – Царкоўская Ульяна).
«Лепшае пераўвасабленне» (Малышава – Сакалоўскі Ілля).
Па выніках мерапрыемства прызавыя месцы размеркаваліся наступным чынам:
3 месца – «Рамана-германская (французская) філалогія;
2 месца - «Славянская філалогія»;
1 месца - «Класічная філалогія»;
Гран-пры конкурсу і запаветны кубак заваявала каманда «Рускай філалогіі».
Сваёй творчасцю і бязмежным талентам першакурснікі 2025 года паказалі, што вартыя быць першымі сярод першых.
