BY 
31.10.2025 у рамках выхаваўчай работы выкладчык кафедры германскага мовазнаўства Г.В. Гуляй правяла выхаваўчае мерапрыемства ў фармаце TedTalk на тэму «Навыкі будучыні: мастацтва адаптацыі да дынамікі свету прафесій» са студэнтамі 2 курса спецыяльнасці «Рамана-германская (англійская) філалогія».
Мерапрыемства накіравана на развіццё навыкаў самапрэзентацыі і публічных выступленняў, крытычнага аналізу інфармацыі, а таксама здольнасці да канструктыўнай дыскусіі і ўзаемнай ацэнкі. Асноўнай мэтай стала павышэнне ўсвядомленасці студэнтаў у пытаннях выбару і развіцця найбольш запатрабаваных «навыкаў будучыні». Мерапрыемства праходзіла на англійскай мове, складалася з некалькіх этапаў і дазволіла студэнтам не толькі глыбока пагрузіцца ў тэму, але і адтачыць свае камунікатыўныя і аналітычныя ўменні.
Сустрэчу адкрылі індывідуальныя выступленні ў фармаце «TedTalk», у якіх студэнты прадставілі і аргументавалі важнасць выбранага імі навыку для паспяховай рэалізацыі ў сучасным свеце прафесій. Затым адбыўся этап узаемнага ацэньвання, дзе кожны студэнт атрымаў магчымасць ацаніць выступленні сваіх калег па загадзя вызначаных крытэрыях, якія ўключаюць маўленчую граматнасць, логіку выкладу, аргументацыю, аратарскае майстэрства і арыгінальнасць ідэй.
Заключным этапам стала дыскусія, прысвечаная найбольш запатрабаваным навыкам, а таксама метадам іх развіцця. Абмеркаванне дазволіла студэнтам не толькі паглыбіцца ў нюансы прадстаўленых ідэй, але і правесці якасны абмен думкамі, выпрацаваць калектыўныя высновы аб прыярытэтах у развіцці асобасных і прафесійных якасцей, неабходных для будучай кар'еры.
