BY 
14 лістапада 2025 года ў рамках выхавання, накіраванага на фарміраванне беражлівага стаўлення да навакольнага асяроддзя і прыродных рэсурсаў, дацэнты кафедры германскага мовазнаўства В.М. Куліева і К.С. Астапкіна правялі з магістрантамі 1 курсу спецыяльнасцей «Мовазнаўства» і «Літаратуразнаўства» круглы стол на тэму «Эканоміць нельга траціць: дзе паставіць коску?». Мэта мерапрыемства – стымуляванне крытычнага мыслення, дапамога ў асэнсаванні супярэчнасці паміж спажывецкімі звычкамі і неабходнасцю беражлівага стаўлення да рэсурсаў.
Магістранты праявілі непрыхаваную цікавасць да заяўленай тэмы і прынялi актыўны ўдзел не толькі ў дыскусіі, але і ў падрыхтоўцы да круглага стала — падзяліліся карыснай інфармацыяй пра тое, што такое асэнсаванае спажыванне, як фармуюцца звычкі трат і зберажэння, у чым выяўляецца экалагічная і фінансавая адказнасць.
Важнай практычнай часткай дыскусіі стала праца з чэк-лістом дзеянняў па эканоміі рэсурсаў. Магістрантам прапанавалі не толькі абмеркаваць прынцыпы беражлівасці, але і прымяніць іх на практыцы: удзельнікі ацанілі свае фінансавыя звычкі, адзначылі актуальныя для сябе пункты і канкрэтныя крокі па аптымізацыі выдаткаў.
Магістранты праявілі персанальную зацікаўленасць. Круглы стол прайшоў у прыязнай, нязмушанай атмасферы, якая выклікае прыхільнасць да абмену меркаваннямі і прадуктыўнай дыскусіі.
