BY 
25 лістапада 2025 года студэнты 14-й групы 3-га курса спецыяльнасці «Славянская філалогія» пад кіраўніцтвам дацэнта С. М. Якуба прэзентавалі групавы праект «Вывучай слова разам з намі!», прымеркаваны да 86-годдзя з дня заснавання філалагічнага факультэта Беларускага дзяржаўнага ўніверсітэта. Асноўная мэта мерапрыемства – развіваць павагу да гісторыі і традыцый філалагічнага факультэта, фарміраваць уменне прэзентаваць факультэт сродкамі рэкламы, ствараць рэкламны прадукт, прапагандаваць філалагічны факультэт як найбуйнейшы рэспубліканскі цэнтр вышэйшай адукацыі. Выказваючы гонар за родную alma mater, навучэнцы адзначылі: «Філалогія – гэта не проста пра навуку, гэта пра любоў! Пра любоў да слова!».
