BY 
19 студзеня 2026 года на кафедры прыкладной лінгвістыкі філалагічнага факультэта БДУ (вул. Даўгабродская, 20) прайшло ўнікальнае інтэрв'ю з выдатным навукоўцам-лінгвістам, доктарам філалагічных навук, прафесарам Саўчук Таццянай Мікалаеўнай.
Мерапрыемства, прымеркаванае да Дня беларускай навукі, адбылося ў рамках студэнцкага праекта «Гутарковы клуб для замежных студэнтаў». На сустрэчу з беларускім вучоным сабраліся замежныя студэнты 4 курса спецыяльнасці «Руская філалогія» і замежныя магістранты 1-га і 2-га гадоў навучання спецыяльнасці «Мовазнаўства», якія праявілі жывую цікавасць да тэмы мовы і яе ролі ў сучасным грамадстве.
У ходзе сустрэчы ўдзельнікі задалі спікеру мноства тэматычных пытанняў аб навуковай і прафесійнай дзейнасці, аб кар’еры вучонага-філолога ў акадэмічнай сферы, аб рускай мове і вопыце яго выкладання, у тым ліку замежным студэнтам. Саўчук Таццяна Мікалаеўна падзялілася сваімі ведамі і вопытам, асвятляючы важныя аспекты лінгвістыкі і яе практычнага прымянення.
Вучоны не толькі адказала на пытанні студэнтаў, але і прадставіла ім каштоўныя парады па развіцці кар'еры ў галіне лінгвістыкі і выкладання. Яна падкрэсліла важнасць міжкультурных зносін і вывучэння замежных моў як ключавых кампанентаў у глабалізаваным свеце.
Мерапрыемства прайшло ў атмасферы актыўнага абмеркавання і абмену думкамі, што спрыяла стварэнню пазітыўнай і натхняльнай абстаноўкі для ўсіх удзельнікаў. Студэнты адзначылі, што атрыманыя веды і парады будуць карысныя ім у іх далейшай вучобе і прафесійнай дзейнасці.
Арганізатары мерапрыемства – загадчыца кафедры прыкладной лінгвісткі Дарагакупец-Навіцкая Аксана Міхайлаўна, дацэнт кафедры Лексіна Кацярына Уладізміраўна выказваюць вялікую падзяку Саўчук Таццяне Мікалаеўне за яе ўдзел і гатоўнасць дзяліцца вопытам з маладым пакаленнем, а таксама ўсім удзельнікам за актыўны ўдзел і цікавасць да тэмы.
