BY 
Кіраўніцтва дзяржаўнай установы адукацыі «Гімназія № 174 г.Мінска» выказвае падзяку старшаму выкладчыку кафедры германскага мовазнаўства Жукавай Юліі Аляксандраўне за выхаванне сына Забалонкава Арцемія Дзянісавіча, вучня 8 «Б» класа гімназіі, які ў перыяд з 04.02.2026 па 07.02.2026 нёс Ганаровую Вахту Памяці ля Вечнага агню на Плошчы Перамогі горада-героя Мінска ў якасці разводзячага трэцяй змены мемарыяльнага атрада.
Плошча Перамогі ў Мінску – сімвалічнае месца сілы і памяці беларускага народа. Ужо больш за 40 гадоў лепшыя школьнікі беларускай сталіцы нясуць Вахту Памяці ля Вечнага агню.
У кожнай установе адукацыі, удастоенай гонару прадставіць сваіх вучняў у ганаровай варце, праводзіцца месячнік ганаровай Вахты памяці, падчас якога арганізоўваюцца заняткі страявой падрыхтоўкай, урокі мужнасці і экскурсіі. Стаць часткай ганаровай варты могуць не ўсе, толькі вучні 8–11 класаў, якія адпавядаюць па стане здароўя і росце. Адбор строгі. Бездакорнасць не толькі ў адточаных рухах, але і ў вонкавым выглядзе. Падрыхтоўка на ўзроўні армейскай. Пакінуць пасаду нельга, паварушыцца таксама. Дождж у твар, вецер, снег – усё трэба стойка вытрымаць.
Ганаровая місія паста № 1 – традыцыя, якая не мяняецца з гадамі. За ўвесь час існавання паста № 1 удзельнікамі атрадаў сталі звыш 40 тысяч навучэнцаў горада-героя Мінска. Галоўная мэта – аддаць даніну павагі загінулым.
Кіраўніцтва філалагічнага факультэта выказвае Вам, Юлія Аляксандраўна, шчырую падзяку за выбітнае выхаванне сына, які годна прадставіў не толькі сям’ю, але і наш факультэт. Ваш прафесіяналізм і талент педагога фарміруюць у вучнях не толькі веды, але і высокія грамадзянскія якасці. Вы сапраўдны прыклад для ўсяго нашага калектыву!
Дзякуй Вам затое, што гадуеце сапраўднага патрыёта і годнага чалавека. Жадаем Арцемію поспехаў у вучобе і ўпэненых крокаў да ажыццяўлення сваіх мар, а Юліі Аляксандраўне – моцнага здароўя, сямейнага цяпла і сіл для новых здзяйсненняў!
