BY 
27 лютага 2026 года на філалагічным факультэце Беларускага дзяржаўнага ўніверсітэта ў кабінеце-музеі беларускай народнай культуры адбылося адкрыццё кніжнай выставы, прысвечанай 100-годдзю выдатнага беларускага фалькларыста, Лаўрэата Дзяржаўнай прэміі, Заслужанага дзеяча навукі, доктара філалагічных навук, прафесара, ордэнаносца, героя вайны Анатоля Сямёнавіча Фядосіка.
Арганізатарам выставы выступілі кафедра тэарэтычнага і беларускага літаратуразнаўства і кабінет-музей беларускай народнай культуры. Курыравала работу па падрыхтоўцы выстаўкі доктар філалагічных навук, прафесар Ірына Казакова.
У адкрыцці выставы прынялі ўдзел студэнты 1 курса спецыяльнасці «беларускай філалогія» філалагічнага факультэта БДУ.
На выставе прадстаўлены кнігі з фондаў Фундаментальнай бібліятэкі БДУ і кабінета-музея беларускай народнай культуры. Гэта манаграфіі, навуковыя артыкулы, прадмовы і рэцэнзіі, падрыхтаваныя Анатолем Фядосікам у розныя гады.
Выставу падрыхтавалі спецыялісты аддзела абслугоўвання залы інфармацыйных рэсурсаў філалагічнага і эканамічнага факультэтаў Беларускага дзяржаўнага ўніверсітэта пад кіраўніцтвам загадчыцы Крысціны Палянскай.
Кніжная выстава будзе працаваць да 2 сакавіка (панядзелак) 2026 года ў кабінеце-музеі беларускай народнай культуры (аўд. 216) з 11.00 да 13.00. Запрашаем усіх зацікаўленых!
