BY 
11 сакавіка старшы выкладчык кафедры прыкладной лінгвістыкі Святлана Вячаславаўна Халілі-Квасава правяла для замежных студэнтаў 1- 2 курсаў спецыяльнасці «Руская філалогія» тэматычны занятак аб дасягненнях беларускіх жанчын-філолагаў.
Замежныя студэнты пазнаёміліся з біяграфіяй і сферай навуковых інтарэсаў прафесара Ларысы Аляксандраўны Мурынай (1936–2017), прафесара Ніны Барысаўны Мячкоўскай, прафесара Ірыны Валер’еўны Казаковай у фармаце канферэнцыі, а затым прынялі ўдзел у інтэрактыўнай частцы тэматычнага занятку, падчас якой было прапанавана выканаць шэраг практыкаванняў, якія дазволілі “ажывіць” навуковыя даследаванні беларускіх вучоных, выкладчыкаў філалагічнага факультэта. Так, напрыклад, замежныя студэнты ўзгадалі, што слова з'яўляецца двухбаковай адзінкай, знакам, які мае план зместу і план выражэння, а таксама разгледзелі аспекты плана зместу знака і іх унутры-і пазасеміятычныя адносіны; пагаварылі аб важнасці рытарычнага майстэрства і паўдзельнічалі ў турніры аратараў; даведаліся пра традыцыі сватаўства ў культуры Беларусі і абмяняліся ўражаннямі аб тым, якія традыцыі вясельных абрадаў ёсць у Туркменістане і Кітаi.
