Наведванне выстаўкі «Духоўная кніга: сямейныя каштоўнасці ў хрысціянскай літаратуры»

30.03.2026 старшыя выкладчыкі кафедры германскага мовазнаўства філалагічнага факультэта Ю. А. Жукава, А. А. Сянько і студэнты 1 курса рамана-германскай (англійскай) філалогіі наведалі выставу «Духоўная кніга: сямейныя каштоўнасці ў хрысціянскай літаратуры».

Мэта мерапрыемства – фарміраванне ў першакурснікаў усвядомленага стаўлення да веры, культуры і этычных арыенціраў.

Выстаўка стала пляцоўкай для абмеркавання актуальных пытанняў, якія датычацца жыццёвых арыенціраў, духоўнага багацця і маральнай самасвядомасці. Духоўная літаратура з'яўляецца актуальнай ва ўмовах імклівага развіцця тэхналогій і паскоранага тэмпу жыцця, фарміруе маральны фундамент асобы і дапамагае не страціць сябе і свае каштоўнасці. Духоўнасць звязана з адкрытасцю, падзякай і імкненнем да гармоніі ўнутры сябе. Менавіта духоўныя каштоўнасці дапамагаюць адрозніць сапраўдны вынік ад ілюзіі поспеху.

Гэтае мерапрыемства выклікала ў студэнтаў непадробную цікавасць. Кожны знайшоў для сябе нешта значнае і каштоўнае. Студэнты падзякавалі арганізатарам выставы і выкладчыкам кафедры за магчымасць даведацца пра навінкі духоўнай літаратуры і аўтараў, якія прапануюць свежыя погляды на вечныя пытанні пра сэнс жыцця, дабро і зло. У водгуках студэнты адзначылі важнасць правядзення такіх мерапрыемстваў, якія вучаць заўважаць і разумець каштоўнасць чалавечых адносін і бацькоўскай любві.