BY 
31.03.2026 у адпаведнасці з планам выхаваўчай і ідэалагічнай работы і ў рамках вывучэння тэмы “Тайм-мэнэджмент. Асноўныя стратэгіі тайм-мэнэджменту. Баланс і энергія: як не выгарэць пры высокай нагрузцы» вучэбнай дысцыпліны «Асноўная замежная мова (англійская) - 6» старшы выкладчык кафедры германскага мовазнаўства А.І. Сідаровіч і студэнты ІІІ курса групы 9 правялі круглы стол “Brain and body. Fight the fatigue through cognitive vitality capacity: ways» («Розум і цела. Барацьба са стомленасцю праз павышэнне кагнітыўнага тонусу: спосабы»). Мерапрыемства накіравана на абмеркаванне праблемы кіравання працоўным часам ва ўмовах высокіх нагрузак і стомленасці з улікам рацыянальнага размеркавання кагнітыўных намаганняў і падтрымання адукацыйных прыярытэтаў. У рамках мерапрыемства студэнты падрыхтавалі індывідуальныя і групавыя прэзентацыі з аглядам тэарэтычных і практычных падстаў, ідэй, метадаў, ініцыятыў і прыёмаў па кіраванні кагнітыўным рэсурсам.
Абмеркаванне спосабаў размеркавання энергетычнага бюджэту, узаемадзеяння розуму і цела ў захаванні і спажыванні энергіі, у тым ліку фарміраванні звычак стратэгічнага размеркавання часу, садзейнічала актыўнай уцягнутасці кожнага студэнта ў практычнае асэнсаванне праблематыкі. Падводзячы вынікі, студэнты падзяліліся ўражаннямі аб абмеркаваных пытаннях у рамках круглага стала.
«Тэма круглага стала была асабліва актуальная для нас як для студэнтаў. У рамках мерапрыемства мы падзяліліся ўражаннямі і ўласным вопытам, а таксама абмеркавалі практычныя парады па вырашэнні праблем стрэсу і тайм-мэнэджменту. Заняткі ў такім фармаце атрымаліся вельмі прадуктыўнымі і карыснымі», – адзначыла Дар'я Фамінова.
«Мне вельмі спадабалася ідэя абмеркавання тэмы стрэсу і стомленасці ў рамках круглага стала, бо мы змаглі абмеркаваць шмат цікавых фактаў, парад, і англійскіх тэрмінаў, звязаных з нашай тэмай.», – падкрэсліла Паліна Сачышына.
«Круглы стол – цудоўнае мерапрыемства, каб абагуліць матэрыял па пройдзеных тэмах. У сваіх прэзентацыях мы актыўна выкарыстоўвалі актуальны вакабуляр, а таксама аналізавалі такія крыніцы, як відэа і артыкулы», ‒ дадала Леаніла Сушкевіч.
«Круглы стол атрымаўся сапраўды жывым. Мы не проста гаварылі пра час — мы гаварылі пра сувязь розуму і цела. Аказваецца, стомленасць можна перамагчы не толькі сном, але і праз рух, пераключэнне, усвядомленасць. Кожны падзяліўся сваім вопытам, і стала зразумела: універсальнага спосабу няма. Трэба шукаць сваё. І памятаць: энергія — гэта тое, што трэба берагчы і своечасова аднаўляць. Дзякуй за шчырую размову!», - рэзюмавала Ніколь Топпіш.
