Еўразійскі конкурс відэапректаў “Гэты Дзень Перамогі ...” пройдзе ў Беларускім дзяржаўным ўніверсітэце 07.04–07.05.2026

Беларускі дзяржаўны ўніверсітэт (далей – БДУ) 07.04–07.05.2026 праводзіць Еўразійскі конкурс відэапректаў “Гэты Дзень Перамогі ...”, прысвечаны 81-й гадавіне Перамогі ў Вялікай Айчыннай вайне.

Мерапрыемства накіравана на захаванне гістарычнай памяці аб каштоўнасцях Вялікай Перамогі, фарміраванне пачуцця датычнасці да падзей Вялікай Айчыннай вайны, выхаванне грамадзянскасці, патрыятызму і павагі да подзвігу абаронцаў Айчыны.

Да ўдзелу ў конкурсе запрашаюцца студэнты вышэйшых навучальных устаноў Рэспублікі Беларусь і замежных краін. Прымаюцца індывідуальныя або калектыўныя работы (падрыхтаваныя калектывам не больш за тры аўтары). Конкурс праводзіцца ў завочна-вочным фармаце.

Для ўдзелу ў конкурсе неабходна да 30 красавіка прадставіць на электронны адрас аргкамітэта Адрес электронной почты защищен от спам-ботов. Для просмотра адреса в браузере должен быть включен Javascript. заяўку (па форме, што дадзена на сайце Конкурсу) з указаннем спасылкі на відэахостынг YouTube, у якім размешчана конкурсная работа.

Падвядзенне вынікаў конкурсу адбудзецца 5 траўня. Журы вызначыць пераможцаў у дзесяці намінацыях:

• “Лепшае гістарычнае даследаванне”;
• “Самы патрыятычны відэапраект”;
• “Лепшы музычны відэапраект”;
• “Лепшы паэтычны відэапраект”;
• “Лепшы празаічны відэапраект”;
• “Лепшы драматургічны відэапраект”;
• “Лепшы інтэернацыянальны відэапраект”;
• “Самае прафесійнае відэа”;
• “Самае эмацыянальнае відэа”;
• “Самае крэатыўнае відэа”.

Вынікі конкурсу і работы пераможцаў 6 траўня будуць размешчаны на сайце конкурсу, вынікі конкурсу таксама будуць прадстаўлены сайце філалагічнага факультэта БДУ, у беларускіх СМІ.

Арганізатарамі конкурсу “Гэты Дзень Перамогі ...” выступаюць пярвічная арганізацыя Рэспубліканскага грамадскага аб’яднання “Белая Русь” БДУ і кафедра германскага мовазнаўства філалагічнага факультэта БДУ. Цырымонія ўзнагароджання пераможцы памятнымі дыпломамі адбудзецца 7 траўня.

Падрабязная інфармацыя – прыказ аб заснаванні Еўразійскага конкурсу відэапраектаў “Гэты Дзень Перамогі ...” у БДУ і палажэнне аб конкурсе, інфармацыйнае пісьмо, патрабаванні да відэапректаў, якія прадстаўляюцца на конкурс, састаў аргкамітэта і журы конкурса, а таксама вынікі конкурсу 2025 г. і відэапраекты пераможцаў – размешчаны на сайце конкурсу.

Дадатковая інфармацыя ‒ па тэлефоне +375 17 3651069 (кафедра германскага мовазнаўства БДУ).

Інфармацыйны ліст ЕК “Гэты Дзень Перамогі ...”.