BY 
30.04.2026 старшы выкладчык кафедры германскага мовазнаўства філалагічнага факультэта Ю. А. Жукава і студэнты 1 курса рамана-германскай (англійскай) філалогіі правялі круглы стол на тэму «Беражное стаўленне да прыродных рэсурсаў – маркер самасвядомасці».
Мэта мерапрыемства – сфарміраваць у студэнтаў разуменне асабістай экалагічнай адказнасці як комплекснага паказчыка сталасці асобы, заснаванага на ўсведамленні сваёй узаемасувязі з планетай і будучымі пакаленнямі.
Студэнты разам шукалі адказы на пытанні: чаму разумнае спажыванне - гэта прыкмета сталасці, як экалагічная адказнасць звязана з патрыятызмам і клопатам аб будучых пакаленнях, чаму «зялёная" эканоміка выгадная. Абмеркаванні стымулявалі студэнтаў да пераходу ад пасіўнага разумення праблем да актыўных дзеянняў, прыняцця ўсвядомленых рашэнняў у побыце, вучобе і будучай прафесійнай дзейнасці. Удзельнікі мерапрыемства прааналізавалі сувязь паміж паняццямі «асабістая адказнасць», «грамадзянская пазіцыя» і «беражлівыя адносіны да прыроды», а таксама пракаментавалі фарміраванне экалагічнай свядомасці праз адукацыю, СМІ і асабісты прыклад.
Па выніках круглага стала студэнты сфарміравалі спіс асабістых абавязацельстваў, якія кожны ўдзельнік можа выконваць для зніжэння спажывання рэсурсаў у паўсядзённым жыцці.
