BY 
Напярэдадні самага важнага і значнага для ўсіх людзей свята – Дня Перамогі – 6 мая на кафедры тэорыі і методыкі выкладання рускай мовы як замежнай адбылося штогадовае мерапрыемства “Букет Вясны. Букет Перамогі”, у якiм прынялі ўдзел замежныя студэнты розных факультэтаў Беларускага дзяржаўнага ўніверсітэта, якія вывучаюць рускую мову.
Дзень Перамогі адзначаюць усе краіны свету, якія разграмілі фашызм, як самае ўрачыстае свята. Напярэдадні свята ў групах замежных студэнтаў праводзяцца ўрокі Памяці, на якіх студэнты чытаюць тэксты пра Вялікую Айчынную вайну, расказваюць пра герояў бітваў, сваіх сваякоў, якія ўдзельнічалі ў баявых дзеяннях і атрымалі ўзнагароды, развучваюць песні і вершы. Абагульняючым мерапрыемствам і з'яўляецца акцыя “Букет Вясны. Букет Перамогі”.
Кітайскія студэнты прачыталі вершы пра Дзень Перамогі, пра гераізм салдат Вялікай Айчыннай. Усе замежныя студэнты добра ведаюць вядомыя песні “Кацюша” і “Дзень Перамогі”. У рамках мерапрыемства прагучалі песні “Жураўлі” ў выкананні Аннагелдыевай Гулнур, “Вечар на рэйдзе”, якую выканаў Мірзаеў Эмін, ды іншыя. Кранальныя вершы Мусы Джаліля “Панчошкі” прачытала Амангелдыева Айперы, а верш “Маёр прывёз хлапчука на лафеце” К. Сіманава – туркменскія студэнты Гулнур Сапарава, Роўшэн Нурыеў, Мая Халыева і кітайскі студэнт Ю Пейлінь. Прэзентацыю па матывах верша “Рускай жанчыне” М. Ісакоўскага падрыхтавалі студэнты першага курса біялагічнага факультэта.
Адным з найбольш эмацыйных момантаў стаў перформанс “Смерці няма, хлопцы!”, прадстаўлены студэнтамі першага курса механіка-матэматычнага факультэта (Шатлыкава Сурай, Аманава Назім, Гайыпава Айнур, Рэджэпмедава Перызат, Акмырадава Чэмен, Садулаеў Усманбеаваз, Мырад). Студэнты выступалі ў тэматычных строях ваеннага часу, дзяліліся цікавымі фактамі хронікі тых гадоў.
Завяршальным акордам – сімвалам мірнага часу – стаў танец “Лезгінка”, які выканалі Маміеў Даянч і Худайкулыева Медына.
У падрыхтоўцы мерапрыемства прынялі ўдзел выкладчыкі кафедры В. А. Астапенка, М. А. Раманенка, Л. С. Кіцун, В. В. Шаўчук, В. У. Праконіна.
Мерапрыемства арганізавалі старшы выкладчык Г. У. Варычэнка і выкладчык-стажор Г. І. Несцер.
