BY 
10 лістапада ў Цэнтры міжнароднай адукацыі БДУ адбылося адкрыццё выставы карцін «Жанчына. Прырода. Беларусь». Экспазіцыя прымеркавана да Года беларускай жанчыны і накіравана на эстэтычнае выхаванне студэнтаў, далучэнне да мастацтва праз жывапіс і знаёмства з музейнай педагогікай.
У экспазіцыі прадстаўлены працы маладых беларускіх жывапісцаў — выпускнікоў Мінскага дзяржаўнага мастацкага каледжа імя А. К. Глебава. Творы розных гадоў складаюцца ў адзіную размову пра жаночы лёс, пераемнасць і нацыянальную памяць, асэнсоўваючы ролю жанчыны ў гісторыі і культуры Беларусі.
Арганізатарамі мерапрыемства выступілі філалагічны факультэт і пярвічная арганізацыя БСЖ БДУ. На цырымоніі адкрыцця выступілі дэкан філалагічнага факультэта С. А. Важнік, старшыня пярвічнай арганізацыі БСЖ БДУ, прафесар І. В. Казакова, першы прарэктар ДУА «Інстытут тэалогіі імя святых Мефодзія і Кірыла» БДУ протаіерэй Сяргей Маўсесян, дырэктар Мінскага дзяржаўнага мастацкага каледжа імя А. К. Глебава А. В. Шантаровіч, загадчык кафедры рыторыкі і методыкі выкладання мовы і літаратуры А. А. Акушэвіч, выкладчыкі і студэнты філалагічнага факультэта.
Выстава працягвае серыю культурна-асветніцкіх падзей БДУ, прымеркаваных да Года беларускай жанчыны, і адкрывае магчымасць для студэнтаў і гасцей універсітэта бліжэй пазнаёміцца з сучасным беларускім мастацтвам, прысвечаным жаночаму вобразу і роднай прыродзе.
