Сэрвісы

Вязынка – 2022

Вязынка – 2022

20 мая 2022 года пройдзе Агульнаўніверсітэцкая патрыятычна-асветніцкая акцыя "Вязынка – 2022".

Штогод мерапрыемства прысвячаецца важным датам беларускай гісторыі.  У гэтым годзе акцыя прымеркавана да 140-годдзя з Дня нараджэння Янкі Купалы і Якуба Коласа.

Дзеянні адбудуцца на малой радзіме народнага паэта Беларусі Янкі Купалы ў вёсцы Вязынка (Маладзечанскі р-н).  Пачатак а 12-й гадзіне.

Удзельнікамі акцыі стануць прадстаўнікі філалагічнага факультэта, курсанты ваеннага факультэта БДУ, студэнты Полацкага дзяржаўнага ўніверсітэта, навучэнцы гімназіі-каледжа мастацтваў імя Ахрэмчыка і выпускнікі ўніверсітэта.

У юбілейную праграму ўключаны экскурсія ў Дзяржаўны літаратурны музей Янкі Купалы, ускладанне кветак да помніка народнага паэта.  Гасцей чакае традыцыйны музычна-паэтычны канцэрт.  Спартыўна-забаўляльная частка «На Парнасе»: «пенальці дэкану», «каша ад дэкана», відовішчнае перацягванне каната, конкурс бардаўскай песні ля вогнішча.

Новаўвядзеннем праграмы заяўлены інтэлектуальны квэст, прысвечаны жыццю і творчасці васьмі народных паэтаў і пісьменнікаў Беларусі, якія ў розныя гады вучыліся і працавалі ў БДУ.  Канкурсантам трэба прайсці восем сімвалічных "станцый".

 Вязынка 2022

Image

Рэсурсы

Image
Image