BY 
На філалагічным факультэце асаблівая ўвага надаецца сістэмнаму супрацоўніцтву з патэнцыяльнымі работадаўцамі, якое скіравана на стварэнне ўмоў для прафесійнай адаптацыі студэнтаў у працэсе праходжання ўсіх відаў практык, атрымання імі працоўных навыкаў.
07 кастрычніка 2022 г. дэкан Сяргей Важнік, супрацоўнікі кафедры кітайскай філалогіі і студэнты старэйшых курсаў спецыяльнасці “Усходняя (кітайская) філалогія” прынялі ўдзел у сустрэчы з прадстаўнікамі Кітайска-Беларускага СЗАТ “Кампанія па развіцці індустрыяльнага парка”, арганізаванай Цэнтрам прафарыентацыі, студэнцкага адміністрыравання і працаўладкавання БДУ. Мэта праведзенага мерапрыемства – прэзентацыя дзейнасці кампаніі, супрацоўніцтва падчас праходжання студэнтамі вытворчай пратыкі і стажыровак з наступным працаўладкаваннем.
Перад навучэнцамі ўніверсітэта выступілі спецыялісты па кадрах, якія расказалі аб прафесійных ведах і навыках, неабходных для работы ў Кітайска-Беларускім СЗАТ “Кампанія па развіцці індустрыяльнага парка”.
