На філалагічным факультэце БДУ пройдзе літаратурна-мастацкі конкурс «Ліхтар»

Савет маладых навукоўцаў філалагічнага факультэта БДУ аб’яўляе аб пачатку правядзення літаратурна-мастацкага конкурсу «Ліхтар».

Конкурс праводзіцца з мэтай выяўлення і заахвочвання літаратурна і мастацка адораных студэнтаў філалагічнага факультэта, падтрымкі творчай дзейнасці маладых аўтараў.

Да ўдзелу ў конкурсе запрашаюцца студэнты (калектывы студэнтаў) філалагічнага факультэта БДУ. Тэрмін правядзення: з 15 лістапада 2022 г. да 28 лютага 2023 г.

Для ўдзелу ў конкурсе неабходна да 15 студзеня 2023 г. падаць у аргкамітэт фатаграфію заяўкі, падпісанай ўдзельнікам, у фармаце JPEG і конкурсную работу ў фармаце DOC, даслаўшы іх на электронны адрас Адрес электронной почты защищен от спам-ботов. Для просмотра адреса в браузере должен быть включен Javascript.. 

З 17 да 28 лютага 2023 г. журы вызначыць пераможцаў конкурсу ў васьмі намінацыях: «Кароткае апавяданне на рускай мове»; «Кароткае апавяданне на беларускай мове»; «Графічнае апавяданне на рускай мове»; «Графічнае апавяданне на беларускай мове»; «Верш на рускай мове»; «Верш на беларускай мове»; «Графічны верш на рускай мове»; «Графічны верш на беларускай мове».

Пераможцы конкурсу будуць узнагароджаны дыпломамі І, ІІ і ІІІ ступені ў кожнай намінацыі. Найлепшыя работы будуць апублікаваны ў літаратурна-мастацкіх часопісах выдавецтва «Мастацкая літаратура» (па рашэнні журы).

Аб’ява аб выніках конкурсу і работы пераможцаў будуць размешчаны на сайце конкурсу https://sites.google.com/view/likhtar-bsu і сайце філалагічнага факультэта БДУ https://philology.bsu.by. Уручэнне дыпломаў адбудзецца на афіцыйнай цырымоніі ўзнагароджання пераможцаў.

Азнаёміцца з Палажэннем аб конкурсе і атрымаць больш падрабязную інфармацыю аб яго правядзенні і патрабаваннях да конкурсных работ можна тут.