BY 
16 сакавіка 2023 г. лінгвакраязнаўчую віктарыну з навучэнцамі 8-х класаў ДУА "Гімназія № 34 г. Мінска" з мэтай матывацыі школьнікаў да вывучэння французскай мовы правялі студэнты IV курса спецыяльнасці “рамана-германская (французская) філалогія” Юшкевіч Уладзіслава і Жураўчанка Дыяна пад кіраўніцтвам дацэнта кафедры раманскага мовазнаўства Г.В. Квачак і настаўніцы французскай мовы Н.А. Баевай.
Нашы студэнты загадзя падрыхтавалі пытанні для віктарыны, размеркавалі іх па тэматыцы, падрыхтавалі два варыянты прэзентацыі пад назвай "Знаўцы Францыі" ("Connaissez-vous la France?") на рускай і французскай мовах. Віктарына праводзілася на французскай мове, пытанні на праектары дубляваліся на рускай. Падчас мерапрыемства былі выкарыстаны створаныя студэнткамі наглядныя матэрыялы: адмыслова складзеныя маляўнічыя плакаты і рэбусы. На мерапрыемстве прысутнічалі студэнты падгрупы, якія праходзілі педагагічную пераддыпломную практыку ў дадзенай установе: Зіміна Аляксандра, Карпушэнка Аліса, Кірыенка Анастасія.
Усе пытанні віктарыны "Знаўцы Францыі" былі звязаны з культурай, мастацтвам, літаратурай і славутымі мясцінамі гэтай краіны.
Удзельнікі інтэлектуальнай гульні атрымалі адзнакі: "10" і "9" (першае і другое месца адпаведна), а самае галоўнае, станоўчы зарад эмоцый.
