BY 
У рамках Тыдня беларускай мовы на кафедры рыторыкі і методыкі выкладання мовы і літаратуры філалагічнага факультэта БДУ 19 верасня 2022 г. была арганізавана выстава метадычнай літаратуры “Станаўленне і развіццё методыкі выкладання беларускай мовы”. У экспазіцыі прадстаўлены вялікі спектр выданняў: ад кніг Францыска Скарыны да сучасных вучэбных дапаможнікаў новага пакалення. У адкрыцці выставы прынялі актыўны ўдзел студэнты 2 курса спецыяльнасці “Беларуская філологія (па напрамках)”. Пазнаёміцца з выставай можна на працягу ўсяго тыдня ў аудыторыі 59.
Падчас адкрыцця студэнты ўбачылі першыя дапаможнікі па беларускай мове для школ 1920-30 гг.: “Беларуская граматыка для школ” Браніслава Тарашкевіча (Вільня, 1929 г.), “Граматыка беларускай мовы. Фонэтыка” Язэпа Лёсіка (Менск, 1926 г), і інш. Таксама наведвальнікі даведаліся пра тых, хто пачынаў ставараць дапаможнікі для навучання роднай мове: Алаізу Пашкевіч, Максіма Багдановіча, Якуба Коласа і інш. Праводзіўся параўнальны аналіз першага (1926 г.) і другога (1930 г.) выдання “Методыкі роднай мовы” (К.М. Міцкевіч, В.П.Тэпін). Студэнтаў зацікавілі і іншыя выданні па методыцы выкладання беларускай мовы, якія можна было патрымаць у руках.
Адкрыццё выставы правялі кандыдат педагагічных навук, дацэнт Ірына Мікалаеўна Саматыя; кандыдат філалагічных навук, загадчык кафедры Андрэй Аляксандравіч Акушэвіч. У падрыхтоўцы выставы актыўны удзел прянялі супрацоўнікі чытальнай залы філалагічнага факультэта БДУ і спецыяліст кафедры Петух Дыяна Аляксандраўна.
