Пасяджэнне вучэбна-метадычнага яб'яднання настаўнікаў на філалагічным факультэце

4 лістапада 2022 года на філалагічным факультэце адбылося выязное пасяджэнне вучэбна-метадычнага аб’яднання настаўнікаў рускай мовы і літаратуры Маскоўскага раёна г. Мінска. Мерапрыемства было арганізавана кафедрай рускай мовы ў межах супрацоўніцтва вышэйшай і сярэдняй школ з мэтай заахвоціць да паступлення на факультэт адораных абітурыентаў. Настаўнікаў віталі намеснік дэкана Мікалай Хмяльніцкі і загадчык кафедры рускай мовы Іван Роўда. У ходзе пасяджэння настаўнікі і выкладчыкі кафедры абмеркавалі метады і тэхналогіі развіцця гібкіх навыкаў у школьнікаў у працэсе навучання і падрыхтоўкі да прадметных алімпіяд і конкурсаў. Пасля пасяджэння настаўнікі, многія з якіх – выпускнікі нашага факультэта, атрымалі магчымасць пазнаёміцца з матэрыяльна-тэхнічнай базай факультэта, абмяняцца думкамі з прафесарска-выкладчыцкім складам. Падобныя выязныя пасяджэнні становяцца традыцыйнай формай узаемадзеяння кафедры рускай мовы з настаўнікамі г. Мінска. Мінулай вясной факультэт наведалі настаўнікі Цэнтральнага раёна, на зімовыя школьныя канікулы запланаваны візіты настаўнікаў Першамайскага і Фрунзенскага раёнаў.