Захаванне ў фальклорнай спадчыне асноўных чалавечых каштоўнасцей

27 студзеня 2023 года ў кабінеце-музеі беларускай народнай культуры адбыўся Круглы стол, прымеркаваны да​ Дня беларускай навукі і прысвечаны Году міра і стварэння. Абмяркоўваліся тэмы захавання ў фальклорнай спадчыне асноўных чалавечых каштоўнасцей:​ любоў да роднай зямлі, працавітасць, узаемадапамога, сямейныя адносіны; народная педагогіка, выхаванне дзяцей і моладзі​ ў лепшых традыцыях беларускага народа.

Мадэратарам сустрэчы стала​ прафесар Ірына Казакова. У дыскусіі прынялі ўдзел: загадчык фальклорнай​ лабараторыі​ Вера Дзенісенка,​ дацэнт кафедры кітайскай філалогіі Чжан Хуншань,​ дацэнт кафедры гісторыі беларускай літаратуры​ ​ Ганна Мятліцкая,​ дацэнт кафедры беларускага мовазнаўства Марына Свістунова, дацэнт кафедры замежнай літаратуры Нарінэ Шахназаран, дацэнт кафедры медыялінгвістыкі і​ рэдагавання факультэта журналістыкі Вольга Горбач​, намеснік дырэктара па навукова-метадычнай​ рабоце Фундаментальнай бібліятэкі БДУ Ала Буціна, выкладчыкі і супрацоўнікі розных факультэтаў і​ падраздзяленняў БДУ.