У "запаведнай зоне" літаратурнай мовы: аб сустрэчы з расійскімі пісьменнікамі на філалагічным факультэце

У рамках ХХХ Міжнароднай кніжнай выставы на філалагічным факультэце 24 сакавіка прайшоў круглы стол “Літаратурная мова – запаведная зона?”.

У мерапрыемстве прынялi ўдзел кіраўніцтва, выкладчыкі, студэнты філалагічнага факультэта і факультэта журналістыкі, навучэнцы Юрыдычнага каледжа БДУ.

Распачаў працу круглага стала і прадставіў яго ўдзельнікаў дэкан філалагічнага факультэта Сяргей Важнік. Мадэратарам сустрэчы выступіў галоўны рэдактар "Літаратурнай газеты" Максім Замшаў. У якасці запрошаных спікераў да размовы далучыліся расійскія пісьменнікі Яраслава Пуліновіч, Уладзіслаў Атрашэнка, Міхаіл Папоў. Навуковы вектар рабоце круглага стала задаў загадчык кафедры рускай мовы філалагічнага факультэта БДУ прафесар Іван Роўда.

У ходзе дыскусіі былі разглдеджаны праблемы рускай мовы і літаратуры з улікам сучасных сацыяльна-палітычных рэалій. Слухачы атрымалі ўнікальную магчымасць даведацца больш аб фарміраванні і трансфармацыі літаратурнай мовы на сучасным этапе з першых вуснаў, а таксама задаць пытанні і падзяліцца ўласным поглядам на прачытанае. Падчас сустрэчы было ўзнята мноства сур'ёзных тэм, сярод якіх: уплыў мовы на маральны стан жыцця чалавека і навакольнае асяродзе ў цэлым, дапушчальнасць абсцэннай лексікі ў мастацкім тэксце, з'яўленне новага тыпу героя ў сучаснай драматургіі, пошук уласнага мастацка метаду, глыбінная сувязь творчасці пісьменніка з традыцыяй.

Дзякуем спікерам за бясцэнны вопыт, які, несумненна, мае вялікае значэнне для будучых спецыялістаў у галінах філалогіі і журналістыкі.