Анонс прафарыентацыйнага конкурсу відэапраектаў «Філалагічны факультэт – дружная сям'я моў» (05.01–21.02.2024)

Прафарыентацыйны конкурс відэапраектаў «Філалагічны факультэт – дружная сям’я моў» пройдзе на філалагічным факультэце БДУ ў студзені ‒ лютым 2024 года. Арганізатарам конкурсу выступае кафедра англійскага мовазнаўства.

Конкурс накіраван на папулярызацыю спецыяльнасцей філалагічнага факультэта сярод вучнёўскай моладзі і абітурыентаў 2024 года. Да ўдзелу ў конкурсе запрашаюцца студэнты філалагічнага факультэта. Умовай удзелу ў конкурсе з'яўляецца стварэнне індывідуальных і групавых відэапраектаў аб спецыяльнасцях роднага факультэта з наступным прадстаўленнем старшакласнікам ва ўстановах адукацыі (школах, гімназіях, ліцэях г. Мінска і рэгіёнаў). Прыём заявак ажыццяўляецца да 18 студзеня 2024 года па электроннай пошце Адрес электронной почты защищен от спам-ботов. Для просмотра адреса в браузере должен быть включен Javascript.. У заяўцы ўказваюцца: 1) прозвішча, імя, імя па бацьку аўтара/аўтараў відэапраекта; 2) спецыяльнасць, курс і група; 3) кантактны тэлефон і адрас электроннай пошты; 4) спасылка на загружаны на відэахостынг YouTube відэапраект.

Этапы правядзення конкурса:

• прыём заявак на ўдзел у конкурсе: 05.01–18.01.2024;
• разгляд відэапраектаў аргкамітэтам: 19.01–24.01.2024;
• дэманстрацыя прынятых да ўдзелу ў конкурсе відэапраектаў ва ўстановах адукацыі (школах, гімназіях, ліцэях): 25.01–07.02.2024;
• ацэньванне відэапраектаў і вынікаў іх прэзентацыі ва ўстановах адукацыі членамі журы, падвядзенне вынікаў конкурсу і ўручэнне дыпломаў пераможцам: 08.02–21.02.2024.

Дадатковая інфармацыя па тэлефоне: (017) 365 10 69 (кафедра англійскага мовазнаўства).

Падрабязней