BY 
1 лютага 2024 года на філалагічным факультэце адбылася справаздачна-выбарная прафсаюзная канферэнцыя.
Адкрыў працу канферэнцыі старшынствуючы, дэкан філалагічнага факультэта С.А. Важнік. Дэкан азнаёміў дэлегатаў канферэнцыі з парадкам дня. З прывітальным словам да супрацоўнікаў факультэта звярнуўся старшыня першаснай прафсаюзнай арганізацыі работнікаў БДУ І.І. Янушэвіч.
З справаздачай аб рабоце цэхавай (прафсаюзнай) арганізацыі філалагічнага факультэта за перыяд з 12.03.2019 г. па 01.02.2024 г. выступіла старшыня прафбюро філалагічнага факультэта С.І. Крылова. Былі адзначаны як станоўчыя бакі, так і некаторыя недапрацоўкі ў працы прафбюро факультэта. Старшыні прафбюро былі зададзены пытанні (А.Л. Садоўская, Г.М. Бутырчык, Н.М. Шахназаран). С.А. Важнік адзначыў станоўчыя бакі ў рабоце старшыні і прафактыва факультэта, выказаў пажаданне актывізаваць інфармацыйную работу прафбюро. В.П. Крычко таксама адзначыла добрую працу старшыні і працу спартыўнай камісіі, якую ўзначальвае Д.А. Сьянаў.
На пасаду старшыні прафбюро былі прапанаваны дзве кандыдатуры – С.І. Крылова (прапанова С.А. Важніка) і Д. А. Сьянава (прапанова В.П. Крычко). У ходзе адкрытага галасавання большасцю галасоў старшынёй была абраная С.І. Крылова. Намеснікамі старшыні абраныя Д.А. Сьянаў і Ю.А. Жукава.
На канферэнцыі былі абраныя дэлегаты ад факультэта на ХХХⅦ справаздачна-выбарную канферэнцыю першаснай прафсаюзнай арганізацыі работнікаў БДУ.
Старшыня, С.А. Важнік, падвёў вынікі канферэнцыі. У заключэнні выступіў І.І. Янушэвіч, які павіншаваў абраны склад прафбюро, старшыню факультэта і пажадаў у далейшым таксама актыўна працаваць, працягваць традыцыі прафсаюзнага руху на факультэце.
