BY 
24 кастрычніка 2024 г. на кафедры тэорыі і методыкі выкладання рускай мовы як замежнай філалагічнага факультэта Беларускага дзяржаўнага ўніверсітэта адбыўся XI Рэспубліканскі навукова-практычны семінар «Лінгвадыдактыка. Новыя тэхналогіі ў навучанні рускай мове як замежнай». Фармат семінара дазволіў сабраць лепшых русістаў Рэспублікі Беларусь, якія выкладаюць русскую мову замежным студэнтам ў вышэйшых навучальных установах краіны.
Мадэратары семінара – старшы выкладчык кафедры тэорыі і методыкі выкладання рускай мовы як замежнай філалагічнага факультэта Беларускага дзяржаўнага ўніверсітэта Ціхановіч Вераніка Станіславаўна, старшы выкладчык кафедры тэорыі і методыкі выкладання рускай мовы як замежнай філалагічнага факультэта Беларускага дзяржаўнага ўніверсітэта Лебядзеўская Таццяна Васільеўна, дацэнт кафедры тэорыі і методыкі выкладання рускай мовы як замежнай філалагічнага факультэта Беларускага дзяржаўнага ўніверсітэта Ганчар Рыгор Рыгоравіч.
Адкрыла семінар кандыдат філалагічных навук Балтыйскага федэральнага ўніверсітэта імя І. Канта (РФ) Зубчанка Віялета Вадзімаўна з дакладам па пытаннях вывучэння колераазначэнняў у групах кітайскіх студэнтаў-лінгвістаў прадвінутага ўзроўню (на матэрыяле паэтычных надпісаў да акварэляў М. Валошына)
З дакладамі, тэмы якіх ахоплівалі прыватныя і агульныя пытанні мовазнаўства і лінгвадыдактыкі, выступілі ўдзельнікі семінара. Вялікую цікавасць ва ўсіх удзельнікаў выклікалі даклады і прэзентацыі Гардукевіч Марыны Чаславаўны (БДПУ), Надумовіч Людмілы Міхайлаўны (МДЛУ), Дзянісавай Інгі Мікалаеўны (БДУКМ), Паўловіч Аліны Сяргееўны (БДТК), Вайтовіч Наталлі Уладзіміраўны (БДУ), Храмчанка Таццяны Аляксандраўны (БДУ) і інш.
Выкладчыкі прадставілі агульнай увазе вынікі сваёй навуковай працы: традыцыйныя і новыя тэхналогіі ў рабоце над музычнай тэрміналогіяй з замежнымі навучэнцамі (з ужываннем сучасных лічбавых тэхналогій); выкарыстанне анлайн-сэрвісаў у мэтах павышэння эфектыўнасці навучання рускай мове як замежнай; прэзентацыя новага вучэбна-метадычнага дапаможніка для студэнтаў падрыхтоўчага аддзялення БДУ, а таксама спосабы фарміравання іншамоўнай камунікатыўнай кампетэнцыі з дапамогай сацыяльнага відэакантэнту ў гульнявым фармаце (з вопыту работы).
У рамках семінара ажыццяўлялася работа 6 секцый:
- сучасныя адукацыйныя тэхналогіі ў навучанні рускай мове як замежнай;
- дыскурсіўны метад у навучанні рускай мове як замежнай;
- кагнітывізм ў навучанні рускай мове як замежнай;
- IT-падыходы да моўнай падрыхтоўкі;
- адукацыйныя стандарты ў выкладанні курса рускай мовы як замежнай;
- руская мова ў сучаснай адукацыйнай прасторы: тэндэнцыі і перспектывы.
Усяго ў рабоце семінара прынялі ўдзел 24 спецыяліста у галіне лінгвадыдактыкі, тэарэтычнай і прыкладной лінгвістыкі.
Падводзячы вынікі семінара, удзельнікі адзначылі, што гэты фармат навуковай і метадычнай работы неабходны для далейшага развіцця беларускай метадычнай школы выкладання рускай мовы як замежнай.
Па выніках семінара будзе апублікаваны зборнік навуковых артыкулаў «Лінгвадыдактыка».
