BY 
31 кастрычніка 2024 года на філалагічным факультэце Беларускага дзяржаўнага ўніверсітэта (чытальная зала Фундаментальнай бібліятэкі БДУ) адбылася сустрэча студэнтаў спецыяльнасці “Руская філалогія” з членам Саюза пісьменнікаў Беларусі, членам Саюза пісьменнікаў Расіі, членам Беларускага саюза журналістаў пісьменнікам Сяргеем Клімковічам.
Давайце даведаемся аб уражаннях студэнтаў ад гэтай сустрэчы.
***
«Сустрэча з Сяргеем Уладзіміравічам мяне ўразіла. Было вельмі цікава паслухаць сапраўднага пісьменніка, які распавядае пра сваю справу».
***
«Аўтар падзяліўся сваім творчым працэсам, займальна распавядаў пра свае кнігі. Атмасфера была прыязнай і нязмушанай, студэнты актыўна задавалі пытанні. Увогуле, сустрэча была не толькі пазнавальнай, але і вельмі натхняльнай!»
***
«Сустрэча з пісьменнікам - унікальная магчымасць для студэнтаў філалагічнага факультэта.
У сучасным свеце дзіцячая літаратура займае асаблівае месца ў свеце кніг. Яна дапамагае сфарміраваць асобу, развіць уяўленне і палепшыць творчыя навыкі. У цэнтры дзіцячай літаратуры знаходзіцца дзіцячы пісьменнік, які стварае цудоўныя гісторыі. Нібы чараўнік, ён дапамагае адчыняць дзверы ў дзіўныя сусветы.
Сяргей Уладзіміравіч расказаў нам пра свой вопыт і даў парады па развіцці літаратурных уменняў і навыкаў. Таксама пісьменнік падзяліўся сваім працэсам стварэння кніг, расказаў пра сваіх персанажаў.
Асабіста ў мяне сустрэча з пісьменнікам пакінула станоўчыя і яскравыя ўражанні!»
Арганізатарамі мерапрыемства выступілі загадчык кафедры рыторыкі і методыкі выкладання мовы і літаратуры Андрэй Аляксандравіч Акушэвіч, старшы выкладчык Надзея Леанідаўна Ніжнёва-Ксенафонтава і дацэнт Валянціна Юльянаўна Дылеўская.
