АДЗІН НАРОД, АДЗІНАЯ РАДЗІМА

18 верасня 2025 года са студэнтамі 1–4 курсаў спецыяльнасцей  «Беларуская філалогія» і «Славянская філалогія» дацэнтам кафедры беларускага мовазнаўства А.Л. Садоўскай была арганізавана тэматычная віктарына «Адзін народ, адзіная Радзіма», прымеркаваная да Дня народнага адзінства, які адзначаецца ў нашай краіне з 2021 года 17 верасня. Змест віктарыны быў скіраваны на актуалізацыю і асэнсаванне пытанняў, звязаных з гісторыяй  ўз’яднання Заходняй і Усходняй Беларусі, дзяржаўнай сімволікай Рэспублікі Беларусь, самабытнасцю беларускай мовы і этнакультуры, сучаснымі дасягненнямі нашай краіны. Мерапрыемства скіравана на фарміраванне актыўнай грамадзянскай пазіцыі, патрыятычнага выхавання студэнтаў філалагічнага факультэта.

Студэнты 1 курса славянскай філалогіі праслухалі лекцыю «Родная мова як фактар яднання нацыі», паразважалі пра важнасць этнічнай функцыі беларускай нацыянальнай мовы ў сучасным грамадстве і родную мову  як элемент этнічнай кансалідацыі, далучанасці кожнага грамадзяніна да свайго народа, як аснову нацыянальнай самасвядомасці, станаўлення дзяржаўнасці і культурны код нацыі. Таксама першакурснікамі была зладжана прэзентацыя віншавальных паштовак на роднай мове «З Днём нараджэння, Мінск», прымеркаваная да 958-годдзя г. Мінска.