Музычная гасцёўня “Маміны вочы”

Да “Дня маці” 14 кастрычніка старшы выкладчык кафедры тэорыі і методыкі выкладання рускай мовы як замежнай філалагічнага факультэта БДУ Анікеева А. А. разам з туркменскiмi студэнтамі 1 курса факультэта міжнародных адносін правялі музычны занятак на тэму “Маміны вочы”. Мэтай праведзенага занятку з’яўляецца фарміраванне ў разуменні маладога пакалення важнасці здаровых адносін, сямейных каштоўнасцяў, умацаванне традыцыйных асноў шлюбу і сям’і.

Уступнае слова выкладчыка Анікеевай А.А. – песня ў выкананні Т. Гвердцытэлі “Маміны вочы”. Выкладчык таксама расказала прытчу пра маці, якая становіцца анёлам пры жыцці кожнаму малому. У гэтай павучальнай гісторыі гаворыцца пра самаадданнасць і невычэрпную любоў матуль да сваіх дзяцей.

Занятак працягнуўся чытаннем лістоў, вершаў ўласнага сачынення, прысвечаных матулям. Кранальныя словы кахання і падзякі гучалі ў кожным радку, якія дзеці калісьці напісалі сваім маці.

На занятку студэнты спявалі песні пра мам на туркменскай мове, адгадвалі назву папулярных рускамоўных кампазіцый, у якіх гаворыцца пра любоў да роднага чалавека. Студэнты радасна дзяліліся гісторыямі з жыцця, прыемнымі момантамі і ўспамінамі, звязанымі з матулямі і сям’ёй.

Варта ўвагі тое, якія каштоўнасці былі закладзены сем’ямі ў разуменні туркменскіх студэнтаў: павага да маці, сям’і, пашана да старэйшых, клопат пра малодшых.