BY 
27 студзеня 2026 года на філалагічным факультэце БДУ адбыўся круглы стол «Праблемнае поле беларускай і кітайскай фалькларыстыкі», арганізаваны кафедрай тэарэтычнага і беларускага літаратуразнаўства. Мерапрыемства было прымеркавана да Дня беларускай навукі.
Галоўным спікерам выступіла прафесар кафедры Ірына Казакова з аднайменным дакладам. Разглядаліся пытанні гісторыі, станаўлення і развіцця кітайскай фалькларыстыкі, асноўныя навуковыя напрамкі, працы кітайскіх вучоных. Акцэнтавалася ўвага на супастаўляльным вывучэнні беларускага і кітайскага фальклору, на ролі фальклору як адным з фактараў выхавання патрыятызму, захавання сапраўдных сямейных каштоўнасцей і лепшых народных традыцый.
У абмеркаванні даклада прынялі ўдзел супрацоўнікі кафедры і вучэбна-навуковай лабараторыі беларускага фальклору.
