BY 
21 сакавіка дацэнт кафедры беларускага мовазнаўства М.І.Свістунова ў межах аўдыторных заняткаў па вучэбнай дысцыпліне “Беларуская мова (Прафесійная лексіка)” правяла са студэнтамі 1-га курса факультэта радыёфізікі і камп’ютарных тэхналогій (групы 1, 2, 8) гутарку, прысвечаную трагічнай даце – 22 сакавіка 1943 года, калі нямецка-фашысцкімі захопнікамі была знішчана разам з жыхарамі вёска Хатынь.
Выкладчык нагадала студэнтам, многія з якіх раней ужо наведвалі мемарыяльны комплекс «Хатынь», пра тое, што адбылося з гэтай беларускай вёскай і яе жыхарамі, а таксама расказала пра вынікі сучаснага расследавання крымінальнай справы аб генацыдзе беларускага народа, адпаведна якім стала вядома аб знішчэнні захопнікамі 12868 вёсак, 290 з якіх паўтарылі трагічны лёс Хатыні.
Падчас гутаркі была выкарыстана інфармацыя сайта Дзяржаўнага мемарыяльнага комплекса «Хатынь».
