Урок-рэквіем "Літавец - вёска, якая знікла ў агні"

26 сакавіка дацэнтам кафедры тэорыі і методыкі выкладання рускай мовы як замежнай Яцэвіч К.А. быў праведзены ўрок-рэквіем "Літавец - вёска, якая знікла ў агні" як даніна памяці ахвярам нямецка-фашысцкіх захопнікаў, якія знішчылі сотні беларускіх вёсак у групе замежных студэнтаў другога курса факультэта сацыякультурных камунікацый. Мэтай урока было паглыбленне ведаў замежных студэнтаў аб генацыдзе беларускага народа падчас Вялікай Айчыннай вайны, фарміраванне адмоўных адносін да любой праявы гвалту.

Выкладчык выконваў ролю мадэратара. Студэнты выступілі з падрыхтаванымі прэзентацыямі. У першай прэзентацыі студэнты адлюстравалі і мірнае даваеннае жыццё вёскі Літавец, і гісторыю трагедыі, якая адбылася 14 студзеня 1943 года. Ахвярамі карнай аперацыі сталі 196 чалавек, у тым ліку 58 дзяцей. Другая прэзентацыя была прысвечана мемарыялу, размешчанаму на месцы спаленай вёскі.

У канцы занятку студэнтамі было падкрэслена, што абавязак кожнага, незалежна ад нацыянальнасці, беражліва захоўваць памяць аб страшных падзеях вайны, каб выключыць іх паўтарэнне.