Сэрвісы

Калядны дабрачынны баль

Набліжаецца галоўнае мерапрыемства зімы – Калядны дабрачынны баль!

Ужо другі год Творчы саюз філалагічнага факультэта ладзіць яго ў анлайн-фармаце. Але гэта не адмяняе прысутнасць чароўнай атмасферы, пышных сукенак, вальса дэбютантак, канцэртную праграму і, вядома ж, дапамогу.

Кожны з вас зможа паўдзельнічаць у бяспройгрышнай латарэі і дапамагчы Арыне Філіпавай з Магілёва, перавёўшы на рахунак 5 беларускіх рублёў.

Арына – мілая дзяўчынка з дыягназам «аўтызм». Яна вельмі энергічная: любіць катацца на арэлях і скакаць на фітболе, – пачуццё бязважкасці для яе быццам паветра. Самае галоўнае зараз – трапіць на рэабілітацыю да спецыяліста, на што бацькі Арыны і збіраюць сродкі. І мы можам ім дапамагчы! Даведацца больш пра гісторыю Арыны можна на старонцы ў Instagram: https://instagram.com/filippovaarina7_help?utm_medium=copy_link.

Каб зрабіць дабрачынны ўзнос, неабходна пакінуць «+» у абмеркаванні ў групе ВКонтакте Творчага саюза філалагічнага факультэта БДУ. Арганізатары балю звяжуцца з вамі і паведамяць неабходную інфармацыю. Яны таксама прысвояць вам парадкавы нумар для далейшага ўдзелу ў латарэі.

Дашліце фота ці скрыншот чэка вашага ахвяравання ў асабістыя паведамленні Творчага саюза філалагічнага факультэта БДУ. Так будзе зразумела, наколькі баль дапамог даведацца людзям пра Арыну.

Кульмінацыяй мерапрыемства стане анлайн-канцэрт, які пройдзе 16 снежня. На ім выступяць актывісты Творчага саюза і зоркі БДУ, а таксама будуць абраны пераможцы латарэі.

Больш падрабязную інфармацыю вы можаце знайсці ў сацыяльных сетках Творчага саюза факультэта.

 

Image

Рэсурсы

Image
Image