BY Кафедра рускай мовы запрашае студэнтаў філалагічнага факультэта прыняць удзел у конкурсе эсэ «Гісторыя БДУ – гісторыя маёй сям’і – мая гісторыя», прысвечаным стагоддзю Беларускага дзяржаўнага ўніверсітэта.
Успаміны вашых родных пра гады вучобы або працы ў БДУ, эпізоды, што сталі сямейнымі легендамі, надзвычайныя супадзенні, уласныя ўражанні і разважанні пра тыя гады вашага жыцця, якія ўжо «ўвайшлі» ў стагоддзе, што ахапіла 1921–2021 гады, – адным словам, сюжэты, героі і сувязі, якія праходзяць скрозь час і аб’ядноўваюць людзей. Філалагічны факультэт за многія дзесяцігоддзі падрыхтаваў цэлыя дынастыі філолагаў – магчыма, Вы прадстаўнік адной з іх?
Па жаданні аўтараў тэксты могуць суправаджацца фотаздымкамі і малюнкамі. Аб’ём эсэ – да 3 старонак друкаванага тэксту, TimesNewRoman, 14 pt, адзінарны інтэрвал. Мовы – беларуская ці руская. У файле просім пазначыць прозвішча, імя і імя па бацьку аўтара, курс, спецыяльнасць, групу.
Пераможцаў і прызёраў вызначыць журы. Лепшыя работы будуць размешчаны на сайце філалагічнага факультэта, а іх аўтары атрымаюць падарункі.
Матэрыялы прымаюцца да 3 мая 2021 г. на адрас:
