Конкурс відэапраектаў «Філалагічны факультэт у дружнай сям’і факультэтаў БДУ»

Кафедра англійскага мовазнаўства аб’яўляе ўніверсітэцкі конкурс відэапраектаў «Філалагічны факультэт у дружнай сям’і факультэтаў БДУ», прысвечаны 100-годдзю Беларускага дзяржаўнага ўніверсітэта.

Конкурс відэапраектаў стартуе на філалагічным факультэце 27 красавіка 2021 года і пройдзе ў завочным фармаце на адукацыйным партале філалагічнага факультэта БДУ (платформа DLS Moodle) https://eduphil.bsu.by/course/view.php?id=1997.

Мерапрыемства накіравана на папулярызацыю філалагічнага факультэта сярод вучнёўскай моладзі і абітурыентаў 2021 года. Да ўдзелу ў конкурсе запрашаюцца студэнты I–V курсаў філалагічнага факультэта. Умовай удзелу ў конкурсе з’яўляецца стварэнне індывідуальных ці групавых відэапраектаў аб родным факультэце з наступным прадстаўленнем старшакласнікам ва ўстановах адукацыі Рэспублікі Беларусь (школах, гімназіях, ліцэях).

Прыём заявак ажыццяўляецца з 27 красавіка да 3 мая 2021 года. Заяўкі накіроўваюцца арганізатару конкурсу – кафедры англійскага мовазнаўства – на электронны адрас Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. з указаннем тэмы конкурсу.

21 мая журы і аргкамітэт аб’явяць пераможцаў конкурсу ў некалькiх намiнацыях.

Падрабязную інфармацыю пра конкурс можна знайсці тут.