ДЫЯЛОГ КУЛЬТУР

4 сакавіка 2025 г. прафесарам кафедры рыторыкі і методыкі выкладання мовы і літаратуры В.У. Праскаловіч у рамках заняткаў па вучэбнай дысцыпліне “Рыторыка прафесійнага дыялогу” было праведзена мерапрыемства з беларускімі (3 курс аддзяленне “руская філалогія”) і замежнымі студэнтамі (магістранты спецыяльнасці “Філалагічная адукацыя”) на тэму “Нацыянальна-культурныя асаблівасці дыялагічных дзелавых зносін”.

Мерапрыемства было накіравана на фарміраванне паважлівага і талерантнага стаўлення да іншых культур, развіццё паводніцкіх навыкаў зносін з прадстаўнікамі іншых культур і этнасаў, выхаванне ў духу міру і супрацоўніцтва.

Мерапрыемства прайшло ў фармаце “роўны навучае роўнага”. Да яго арганізацыі і правядзення далучылася магістрантка з Кітая Сунь Вэньбін. Носьбіт культуры сваёй краіны адказала на ўсе пытанні, якія цікавяць студэнтаў, адносна жыцця, звычаяў і традыцый КНР.

Асаблівая ўвага на вучэбных занятках выкладчыкам надавалася працы з эўрыстычнымі і даследчымі заданнямі практыка-арыентаванага характару.

Падчас праведзенага мерапрыемства студэнты прыйшлі да высновы, што ў сферы дзелавых зносін нацыянальная спецыфіка адыгрывае істотную ролю. Асабліва вялікія адрозненні паміж сістэмамі камунікацыйных нормаў прадстаўнікоў маўленчых культур заходніх і ўсходніх краін.

На этапе рэфлексіі студэнты адзначылі, што сучасны чалавек павінен валодаць навукай дзелавых зносін, умець усталёўваць і падтрымліваць цывілізаваныя адносіны з людзьмі, пераадольваць супярэчнасці, вырашаць канфлікты.