BY 
26.11.2025 старшы выкладчык кафедры германскага мовазнаўства філалагічнага факультэта Ю.А. Жукава і студэнты 1 курса рамана-германскай (англійскай) філалогіі правялі дыскусію на тэму «Культуры і традыцыі народаў свету» у рамках плана выхаваўчай работы кафедры .
Мэта мерапрыемства – фарміраваць павагу да культурных каштоўнасцей народаў, развіваць талерантнасць да разнастайнасці культур, стымуляваць цікавасць да захавання культурнай ідэнтычнасці.
На падрыхтоўчым этапе мерапрыемства студэнтам было прапанавана паразважаць над двума пытаннямі: што значыць захаванне культурнай ідэнтычнасці і якім спосабам яе можна захаваць. Сучасныя студэнты растуць ва ўмовах высокай мабільнасці, інтэрнэту і мульцікультуралізму, што выклікае дапытлівасць і жаданне зразумець механізмы ўзаемадзеяння паміж рознымі культурамі. Навучальныя дысцыпліны студэнтаў-філолагаў закранаюць пытанні глабалізацыі, культурнага абмену і нацыянальнай ідэнтычнасці, што тлумачыць непадробную цікавасць да дадзенай тэмы і заахвочвае да больш глыбокага даследавання праблем.
Студэнты праявілі актыўны ўдзел у абмеркаванні важнасці захавання ўнікальнасці ва ўмовах глабальнай уніфікацыі. Прэзентацыі і апавяданні ўдзельнікаў дазволілі даведацца аб некаторых традыцыях і каштоўнасцях розных народаў. Атмасфера даверу і павагі садзейнічала адкрытаму абмеркаванню пытанняў культурнай разнастайнасці. Студэнты адзначылі важнасць захавання нацыянальнай культуры, якая захоўвае багаты вопыт продкаў, ігнараванне якога азначае адмову ад найкаштоўнейшых ведаў.
